Meke, Medîne
Adem va:Hewe, ez ha şina, ti mi dima bîyeHewa va: Nê, ez kuena verniye to.
Selim Çürükkaya / Vûnî ke wext ke Hûma yers bi; Adem û Hewa Cennet ra eşt teber.
Înan çimî xo kerdî a, dî ke ê hê serî yew kue ya.
Hêver Adem warişt serî linganî xo.
Ey destî Hewa girot, a zi warişt pay.
Ê her di zi zit û bulit bî.
Adem va:Hewe, ez ha şina, ti mi dima bîye
Hewa va: Nê, ez kuena verniye to.
Hew vernî de, Adem ey dima şî, serî kuey ra ûmeyî war.
Ey zaf rayer ra şî, resayî yew ca yo duiz.
Adem çim verda Hewa, pey ra resa ci, a kerd xo varare.
Hewa vawo: Meke
Vûnî ke nay ra bajarî Meke yî ûca de virazîyawo.
Hewa vernî de Adem dima şîya.
Çew nêzûno ke ê çend rojî çend şewi şî.
Adem ewnîyawo ke Hewa nîyetî xo xerepnawo.
Ey pey ra dest eşto Hewa.
Hewa nat – wetî xo ra ewnîyawo û vawo:
Medîne
Vûnî ke nay ra bajarî Medîne zi ûca de virazîyawo.
Eg na hîkayet raşta, Adem kurmanco,
Hewa zi Kird a.
