Zazakî Makaleler

Uuuuuuuuuuuuuuu!

Selim Çürükkaya / Yew hefte cuwa ver ez şiya Hollanda. Ûca de yew kênay xalê cînî mi esta.
Aye mi ra va:
“Bê ma şi şano seyr biker, yew şano esta, lacî mi zi ho te de kay keno.”
Ma warişt şî. Ma biletî xo girotî, ma cey xo de niştî rue. Hêverî yew cînî veciyay ware, goreyî  tehmîn mi hîrês serre bî.
Aye ma ra va:
 “Şima xeyr ûmê, no kay mi nuşto, seyr bikerin, eg şima hol diy, ez zaf bena memnun.”
Ciniyek kilm qisêkerd û biy vîn.
Wext ke hêna perde bi  a, o ware de des heb kursî bî. Nê kursiyan ser de panc cînî – camiyerd ruenişte bî.
Înan ra yew doktor, yew citiyer, yew esnaf, yew seraf, yew rojnamewan, yew dewij, yew marangoz, yew qehpik, yew mihendis û yew şofer bi.
Her yewî, yew gure kerdiyen. Nê piyer îtiya de ûmêbî piye ser, derdî xo yewbînan re vatiyen

 

Wext ke qehpik qisêkerdiyen, berî wadî bi a, yew miyerik ûme zerre.
No merdimî yew kilaw nabî xo ser, destanî ey ser de, cayî zimbiyelanî ey de yew qevşê miyanî siyayan bî.
Ê ke ruenişte bî, wext ke çim giney ey, ê zaf tersê, nat- weta erziyey. O ke newe ûme zerre, şi o werte de nişt rue û va:

“Ez yew Tirk a, ez garson a, rey- rey zi ez şoferê kena. La yew derdî mi est. Amnan wext ke aşm veciyena guînê mi bena har.
Ez bena sey cinawir. Ez wazena guîn fir bikerî. Wext ke ez deshîrê sere biya, mi dadî xo kişt.”

Wext ke tirk no qede va, ewropayijî tersey, ê nat – weta vazdey.
Tirk va:

“Mi guînê dadî xo kerd yew sitil, mi fir kerd. Ez biya des çeher sere, mi babî xo kişt.
Mi guînê ey zi fir kerd.”

Ewropayij hena tersey, erziyey, qehriyey.
Yewîva:”Ti biy panciyes sere to kam kişt?”

Yew ciniyeka rojnamewan va:

“Na yew niweşiya, yew cinawir ho zerey nê de o.
Destî xo bidiyen destî mi, ma hethet nê de yew helqa viraz.
Ma cinawir zerey ne ra vec, wa no weş bo”.

Ewropayij hethetî ey de gerayî. Tirk zerey helqa de gina ard re. O sey cinawir zurra:

Uuuuuuuuuuuu! Uuuuuuuuuuuuuuuuu”

Selim Çürükkaya

1954 te Bingöl' de doğdu. Öğretmen okulundan mezun oldu. Siyasi nedenlerle on bir yıl hapis yattı. Gazeteci ve yazar. Yayınlanmış 10 Kitabı var. Siyasi mülteci olarak Almanya'da yaşıyor.

İlgili Makaleler

Bir cevap yazın

E-posta hesabınız yayımlanmayacak.

Başa dön tuşu