Cumartesi, 15 Aralık 2018
Anasayfa Zazakî Makaleler Tirkî qisêmekîyen

Tirkî qisêmekîyen

xeberSelim Çürükkaya / Yeno vatiş ke Tirkiye de yew qanûn vêcîyawo, goreyî nê qanûnî ha to yew merdim kişt, ha to kirdkî xeber da.
Ti yew merdim bikişî, ti vîst kîlo eroîn birueşî, ti yew bomba berzî zerê yew camî, ti qicanî berî sarebibirnî, cezayê înan pîyerin zor vîst serribo.
Ti yew vîcnayiş de Kirdkî xeber bidî, cezayê nê zi vîst serr a.!
Şima tehmîn bikerîyen yew na serra pey wa vîcnayiş bibo.
Yew merdim ke biwazo wekîlî miletib, wext ke o pê ziwanî xo însanan ra rey biwazo; ca de miyerîkî tepişenî û benî mehkima vîst ser ceza dûnî ci.
Uca re zi ey erzenî hepisxane.
Miyerik şino hepisxane, roja bîn gardiyan yew kaxit dûnû ci.
Kaxitî ser de nê pers hê nuşte:
Namê to yo verîn:
Namê to yo peyîn:
Ti çi wext ameyî dinya:
Sucî to çina wo:
To kam ca de suc kerd:
To pê kamî hacetî suc kerd:
Ti qey suc kerd:


Embazî to ê suc kam o:
Wext ke to no suci kerdî, to zûnayn no suco, yan to nêzûnayn:
Miyerik wext ke nê persî wend,o berma!
Qelemê xo girot û nuşt
Namê to yo verîn: Mehmud
Namê to yo peyîn: Kerra
Ti çi wext ameyî dinya: 1950
Sucî to çina wo: Qisêkerdiş
To kam ca de suc kerd: Verî sehenzar însanî de.
To pê kamî hacetî suc kerd: Pê ziwanî xo
Ti qey suc kerd: Mi suc nêkerd.
Embazî to ê suc kam o: Embaz mi sehenzar ten bi.
Wext ke to no suci kerdî, to zûnayn no suco, yan to nêzûnayn: Mi zûnayn
Miyerîk kaxit kerd de, da gardîyan, uca ra pey zîyaretçî ey ûme. O şi zîyaretçî xo veri û va:
Xeber bide milete ma wa kes Tirkî xeber nêdo.
Wa pîyerpiya tim Kirdkî xeber bidî

 

Son Güncelleme (Pazar, 01 Mayıs 2011 20:09)