Çarşamba, 21 Kasım 2018
Anasayfa Zazakî Makaleler Xıciere Agitey eş ard

Xıciere Agitey eş ard

hancer12Selim Çürükkaya / "Mi destî xo na vîcdanî xo ser û no kîtabî de çend çî tespît kerdî.
Nameyî kitabî:  „APO"
Nuştox: Şemdin SAKIK
Wewanxane: ŞARK YAYINLARI"....
Mi kîtabî Şemdîn Sakik 2 rojî de wend. Ez yew roj no kîtabî ser fikiryaya.
Ge-ge mi xo kerd herindê Öcalan û ge-ge zi mi xo kerd herindê Şemdîn. Ez no qede nê kîtabî ser vinderta.
Mi destî xo na vîcdanî xo ser û no kîtabî de çend çî tespît kerdî.
Nameyî kitabî:  „APO"
Nuştox: Şemdin SAKIK
Wewanxane: ŞARK YAYINLARI
Mi heta nika şexsî Şemdîn Sakik nêdiyo. O 18 serrî heme lejan de serkote bi.

 Labelê o îmtîhano peyin de sinif de mend. Ey nasnameyî egîdê eşt erd, ey bi destî xo penî xo ard. Heyatî ey sey trajediyanê Shakespeare tiyemyankote û girîft o.
Serrê 1993 de wext ke ez zîndananaî APO de binî çiman de biya, yew kîtabî Şemdîn kot mi dest. No kîtab Şemndîn nuştib, la nêame çapkerdiş. Mi no kîtab wend, ez ecêb menda. No kîtab de şerî gerilla ser zaf hol agahdarî bî
Mi va: No merdim sey Gîap yew merdim o.
Yew kes ke keye Ocalan de mendiyen, ey va :
Gueş pa mekuir, talike yew merdim o, o xo keno herindê serekî.
Mi ca de zûna ke awê ey giriyaya. Mi kitabî xo " Aponun Ayetlerî" de behsê Şemdîn kerd.
Ez ameya Almanya, bênate ra çend serrî viyertî. Keye mi Duisburg de bi. Yew roj serî sibay mi TRT-INT de xeberî guedarî kerdiyen. Ez pê hesiyaya ke Şemdîn Sakik remawo û xo eşto bexdî PDK.
Cînî mi telefonî mesulî PDK ê Almanya Dilşad Barzanî kerd. Ma Dilşad ra telefonî Şemdîn girot. Mi Şemdîn de qisêkerd. Mi ti ra va:
Eger tu wazenî biyerî Ewropa, ez eşkena to re ardim bikerî.
Şemdîn va:
Nê! Ez nêwazena biyerî Ewropa. Eger ez pa yew grubâ xo biresnî koyanî Amed û ez yew serr koyan de bimanî; Apo het kes nêmaneno.
Ey mi re rîca kerd ,va:
Ti eşkenî xeber bidi BBC û yew heyetî rojnamewanan bişawi îta.
Mi bênatê ey û BBC de alaqa na rue. Kovara Der Spiegel re yew grub xo kerd hedre ke şuero û ey de roportaj vrazo, la no bênate deŞemdîn tepişiya.
Çi gune ke o bi îtîrafçî, ey xinçiyerê camiyerdê eşt erd. Ez eşkena kîtabî ey bi yew cumle kilm bikerî.
Ê çiyanî ke  Şemdîn derheqî Ocalan de vûno piyerê înan raştî, labelê ê çiyanî ke o derheqî Mustafa Kemal de vûno, piyerê înan zur î.

Son Güncelleme (Pazar, 01 Mayıs 2011 19:54)