Zazakî Makaleler

Çı bedilyowo

Selim Çürükkaya / “Çi wext ma pêser şinî dewanî xo?
Çi wext ma hepisxanan ra verradiyên?
Çi wext ma welatî xo de bêters eşkenî biciwî?
O wext ma fam kenî ke taye çî bedilyayî”…
Des serî yo ke dewletê tirkan ha vûna:
Ma he qanûnûnî xo bedelnênî
Qey humaya şima mi ra vacî; tirkan çineyîxo bedelnawo?
Ê dewi ke leşkeranî tirkan kerdî xirabe, dewlet ê dewî viraştî?
Ê daristanî ke înan vêşnayî, nê hêna nayî rue?
Ê dewij ke înan dewan ra fetelnayî, nê pêser berdî dewanî înan?
Ê insane ke kerdî hepisxanan, nê vera dayî?
Ê insane ke welatî xo terk kerd, nê pêser ûmeyî?
Ê însan ke dewlet kiştî, dadî û babî înan re kusurî xo waşt?
Hewtay henzar heb “koricî” est, dewlet tifingî destî înan ra girot?
Kurdistan de eskerî her roj hê însanan kişenî, eskerî xo pêser ûnt?
Nameyî koyanî ma, deştanî ma, qicanî ma, dewanî ma, pêser dayo ma?
Ma ra va ke ziwanî şima serbest o, la şima mecburî ziwanî ma xebêr bidî.
Bê înan çiney bedelyawo?

 

Welatî ma hûnc zi bindesto.
Însanî ma hûnc esirî, bajarî û dewijî ma hûnc zi feqîrî.
Ma hama zi bêziwan, hama zi welat xo de nêwkenî bêters biciwî.
De mi ra vaciyen dewletê tirkan çinayî xo bedelnawo?
Topî xo? tifingî xo? mantiqê xo? vînayê xo?
Nê, tirkan qet yew çî zi nêbedelnawo, la ê wazenî ma xixapînî.
Ê desî serrîyo hê xebityenî, la nêşkayî kesî bixapînî.
Ma biewnî nika re pey dê sebeno.
Çi wext eskerî înan welatî ma terk keno?
Çi wext ma eşkenî mekteban de ziwanî xo bimûsi?
Çi wext ma pêser şinî dewanî xo?
Çi wext ma hepisxanan ra verradiyên?
Çi wext ma welatî xo de bêters eşkenî biciwî?
O wext ma fam kenî ke taye çî bedilya

Selim Çürükkaya

1954 te Bingöl' de doğdu. Öğretmen okulundan mezun oldu. Siyasi nedenlerle on bir yıl hapis yattı. Gazeteci ve yazar. Yayınlanmış 10 Kitabı var. Siyasi mülteci olarak Almanya'da yaşıyor.

İlgili Makaleler

Bir cevap yazın

E-posta hesabınız yayımlanmayacak.

Başa dön tuşu