Selim Çürükkaya / Eg şoreşî tirkiya yew maratono dergo
Ti 100 metreyo verîn bi serfîrazî vazdayî
Ti ma piyerina ver şî bend
Eger ez to re qehriyena, dadî mi cînî mi bo
Eşq bo to re lacek, eşq bo to re
Can Yücel
Wext ke na aşm yena, di însanî yenî mi vîr. Yew Deniz Gezmiş, yew Ferhat Kurtay.
Wext Deniz Gezmiş de ez hama yew xortib. O qehremanî min o verînib.
Motorsikletê ey bî. Erdîşê ey derg bî, ey parkê xo girotib pira û ortê zimistan de kotib rayer.
Tersî ey çîniyeb, namê ey zi sey ey bi. Hêverî mi nêzanayn ke o yew merdim o.
Mi vatiyen dê o ho miyanî behran de geyreno, çew nêşkeno ey tepişo.
O wext ke ûme tepiştiş, va :
Ez genaralî feqîrana
O sey yew qehreman şi hepisxane, sey yew qehreman mehkeman de qisêkerd.
O sey yew qehreman şi verî darê dardkerdiş.
O sey yew qehreman veciya ware û sey yew qhreman bi vîn.
O di ri nê bi, tersinik nê bi.
Ey wext ke serbest bi çiney vatiyen, hapisxane de zi, mehkima ver de zi, daraxacî de zi eynî çî vay.
Ferhat çend Şîrin ra heskerdiyen, Ferhat Kurtay zi hend milletê xo ra heskerdiyen.
O hendê behran xueri bi, hendê astaran berz bi. O hendê awê guelan vinderte bi.
Wext ke zulm padîşah bi, wext ke ters bi, wext ke însan bê ziwan bi; Ferhat pê adira xeberê xo vay.
Padîşah rema, ters bi vîn, însan bi wahar ziwan.
Kes nêşka adirî Ferhat hûnakiro.
A roja pey kam ca bi tarî, o adir o ca de vêşa
