Zazakî Makaleler

Herî xuı kuawo

Selim Çürükkaya / Hamburg de yew vêve bi. Tayê dewijî ma zi şîbî o  vêve.
Merdimanî Avdilawo Urfayij no vêve de bêedebê kerd bî.
No semeda yew dewijî ma yew dewijî ma  yo bîn kuab.
O merdimo ke dewijî ma kuab name ey Alî bi.
Yew roj cuwa pey yewna dewijî ma mi re  telefon kerd.
Ey va:
Alî çey hol nêkerd, ey re çi o dewijî xo kueno?
Mi zi va:
Ali hol kerd, ey zi sey Babî xo hêverî herî xo kuawo
Devijî mi va:
Sinî? Dê mi ri zi vac, ez nêzûna
Mi va:
Pancîyes ser verî, yev şew, yew mîyerik yeno kêyê Alî, o vûno:
Herî dew kotî miyanî argudê şima.
Alî û Babî xo elektrîke destanî xo genî û şinî verî yegeyî argud.
Ê vînenî ke hendê des heb herî hê miyanî argud de ê.
Ali wazeno ke  herani bikuiro.
Babî ey vûno:

Ti îtiya de  qariş pê mebi, xo verşûn, ma beri zerê axurî.
Ti mi ri viey înan tepiş, ez mirdê xo serê înan bikuirî
Ê wird pîya heran erzenî vernî xo, ê heran ûnî kenî zerê axurî.
Babî Alî vûno:
Ti mi ri yewî tepiş.
Alî viey yew herî tepişeno û babî ey zi pê dimî tuwerzîna dûno serê heri re.
O hîrî heb dûno pirye, her gulp gineno ard re.
Babî Alî vûno:
Temûm mi gurê nê da ci, ti mi re yewnayi tepiş.
Alî geyreno, geyreno, herî çînî.
O ewnîyeno ke ey  ber akerde verdawo,pîyerê heran vazdê, şî.
Babî ey vûno:
Dê a çila tafîn no herî kam o, wilay ma no heri kişt
Alî çila fîneno ta, ê ewnîyenî ke herî înan ho ard de o.

 

Selim Çürükkaya

1954 te Bingöl' de doğdu. Öğretmen okulundan mezun oldu. Siyasi nedenlerle on bir yıl hapis yattı. Gazeteci ve yazar. Yayınlanmış 10 adet Kitabı var. Siyasi mülteci olarak Almanya'da yaşıyor.

İlgili Makaleler

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

Göz Atın

Kapalı
Başa dön tuşu
Kapalı
Kapalı