Zazakî Makaleler

Lac bay xuı

Selim Çürükkaya / 60 serî cuwa ver kurdan bajarî Mahabad kerdibi paytextî xo, ê yew serr ûca de hukimdaribî. Yew serr alê kurdan her ca de aleqnayebî.
Yew serr qederî kurdan destî kurdan de bi.
Ûca ra pey îngîlîzan hetî Şahî girot, rûsan eskerî xo Mahabad ra ûnt, eskerî
Îran û kurdan herb kerd. Pîlî kurdan tepişiyay, Qazî Muhemmed û embazî ey meydanî Çar Çira de amê aleqnayiş. Rehmeta Malla Mistafa Barzanî û pancsey heb eskerî ey  pê lingan, bi pîze yo veşûna kotî rayer, şew û roj şiy. Înan bi eskeranî iraq, îran û tirkiye de xerb kerd û hîrê sinoran ser ra şiy resay welatî uris.
Ê ûca de panciyes serr mênd, ê biy macîr, înan zaf zehmet diy, zaf feqîrê diy. Înan welatî xo çerey xo vîra nêkerd. Piyerê înan vatê rehmeta Barzanî kerd.
Kam xebitiya, kam şi mekteb, înan xo kerd hedre, rojî xo pawit. Rehmeta Barzanî ûca de akademiyê eskerî de wend, o teoriyê xerbî gerîla mûsa û çekî modern nas kêrd. Malla Mistafa 1958 de bi embazanî xo ya ûme welatî xo.
Mallla Mistafayî desçahar serrî semedî welatî xo ya şer kerd. O desçahar serrî serî koyun de bi.
Ey desçahar serrî sarê xo na kerranî ser û îna rakot.
Ey heqî çew nêwerd, rayerî edaletî terk nêkerd. Wext ke ey  dinyayî xo bedelna, ey wesiyetî xo kerd, va:
“Wa  mezelî mi, mezelî pesmergeyan re berz nêbo.”
 
Rehmeta Malla Mistafa şi a dinya, la dehwayî ey îtiya de mend. Welatî ey
binî destan de bi. Lacî ey rayerî babî xo ra şi. Ey sabirî babî xo, edaletî ey, egalê
sarê ey, kincî ey, peşmergêyî ey terk nêkerd.
Ey zi sey babî xo wextî xo pawit. Menfaatî miletê ey senî dest da, ey o qede kerd.
Wext ûme amerîka û Saddam şer kerd.  Mesûd zi emir da peşmergeyanî xo, va:
Bajaranî kurdistan bigiriyen!
Miyanî çend rojan de piyerê bajarî kurdistan xelisiyayî.
Roja seşeme piyerê dinya pê hesiyay.
Lacî Malla Mistafayî Mesûd Barzani bi serdarî kurdistan.
Ey îspat kerd ke o lacî babî xo yo.

Selim Çürükkaya

1954 te Bingöl' de doğdu. Öğretmen okulundan mezun oldu. Siyasi nedenlerle on bir yıl hapis yattı. Gazeteci ve yazar. Yayınlanmış 10 adet Kitabı var. Siyasi mülteci olarak Almanya'da yaşıyor.

İlgili Makaleler

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

Başa dön tuşu
Kapalı
Kapalı