Selim Çürükkaya / Ewro mi yew embazê xo de pê MSN qisêkerd.
Embazê mi Ebukata û Enqere de nişena rue. Mi verî hal – xatir aye pers kerd, aye va:
Ez zaf hola, misafir mi eِstî, ma hê ruenistê.
Mi va:
Misafirî to kamî?
Aye va:
Kirdî simawo, dozgerî Tirkano
Mi va:
Meselayî al se biy?
Aye va:
A mesela yew gendib(komplo).
Mi va:
Ax nikey perê mi bibin
Aye va:To se kerdiyen?
Mi va:Mi beyraqê Tirkan re tumanî viraştiyen û rotiyen.
Ingilîzan, Amerkayijan, Almanan ê tumanî kerdiyenî pay û ûmenî Îzmir, Antalya, Marmaris û şinî plajan.
Polesî Tirkan dîni ke turîstan alê înan kerda tuman; ê yers bîni, tifingî xo girotiyen û hethetî turîstan ra geyrayni.
Turîst zi tersayn, qerayn, mîz û giy kerdiyen xo bin. Polesî Tirkan turîstî dayn
ariye, kerdiyeni otobosan û şawitiyen dozgeriya cumhuriyet.
Dozger înan ra persayn:
Şima qey giy verda beyraqê Tirkan?
Yew turîst bi tîrkî xo ya nêmcet vatiyen:
Mister polizei bayraktan korktilar, bizde polizeiden korktilar, altimiza yaptilar hepsi bu.
Wext ke mi îna va embazê mi huwiyey.
Mi va:
To perê diy ti huwiyena
Aye va:
Sinî?
Mi va:
O wext şima ebukatî zi zaf pere qezenc kenî
Aye va:
Dozger ho mi het de o, ez inîn ti ra vacî, o ca de dehwa keno a.
Mi va:
Mi hama tumanî xo pay nêkerd
